Канадада дунёнинг энг катта олмоси Lesedi La Rona сотилди. Олмосни Graff Diamonds компанияси 53 миллион долларга сотиб олди.
“Биз ушбу ноёб олмоснинг янги эгаси эканлигимиздан ҳаяжондамиз. Бу менинг фаолиятим давомида жуда муҳим кун. Менга табиатнинг мўъжизаси бўлмиш Lesedi La Rona’ни қўлга киритиш насиб қилди”, - дейди олмоснинг янги эгаси Лоуренс Графф.
Lesedi La Rona олмоси 2015 йилнинг ноябрида Ботсванда топилган. Маҳаллий тилдан таржима қилганда “Бизнинг нур” деб аталади. Унинг оғирлиги 1109 карат (221,8 грамм).
