GM Uzbikistan харидорлар учун махсус “45 дақиқада автомобиль” хизматини таклиф қилди.
Автоишлаб чиқарувчининг сайтида Matiz, Spark, Nexia 3, Cobalt ва Lacetti каби автомобилларни ушбу хизмат асосида таклиф қилаётган автосалонлар рўйхати пайдо бўлди.
Айни дамда "45 дақиқада автомобиль" қуйидаги ҳажмда сотилмоқда: Matiz - 23, Spark - 971, Nexia 3 - 317, Cobalt - 416 ва Lacetti - 185.
GM Uzbekistan прайсига асосан, автомобиль нархлари қуйидагича: Matiz - 42,5 млндан 48,8 млн сўмгача (комплектациясига қараб), Spark - 61,5-74 млн сўм, Nexia 3 - 70,6-85,9 млн сўм, Cobalt - 79,6-97,1 млн сўм, Lacetti - 102,2-123,5 млн сўм.
“Ушбу тақсимланиш асосида автомобиль сотиб олишни истаган ҳаридор дилерлик корхоналарига шартнома тузиш учун мурожаат қилишлари мумкин”, — дейилади компания сайтида. Агар дилерлик корхоналарида ушбу дастур асосида сотилаётган автомобиль қолмаган бўлса, харидор электрон буюртма қолдириб, кейинги ойдаги тақсимот асосида автомобиль олиши мумкин.
