АсосийDunyo

“Кубик-рубик”нинг янги версиялари чиқади

Рубик кубигини ишлаб чиқаришга ҳуқуқи бор ягона компания бўлган “Rubic Enterprises” мазкур бошқотирманинг янги моделларини чиқариши ҳақида эълон қилди.
Ушбу қадам бозорда тўлиб кетган қалбаки ўйинлар сонини қисқартиришга хизмат қилиши лозим.
Компания бренд-менежери Янос Ковачнинг сўзларига кўра, кубикнинг янги моделларидан бири унинг қирралари оддийроқ айланишини таъминлайди. Иккинчи модель эса кўзи ожиз одамларгамўлжалланган бўлиб, у ҳар бир юзада рельефли геометрик фигураларга эга. “Бу бозордан Хитойда ишлаб чиқарилган қалбаки бошқотирмаларни суриб чиқариш имконини беради”, - дея иқтибос келтиради "Associated Press” агентлиги компания вакилининг “кубик-рубик”ни йиғиш бўйича Венгрияда ўтказилган Очиқ чемпонатда сўзлаган нутқидан.

Рубик кубиги 1974йилда ихтиро этилган бўлиб, бир йилдан кейин венгер Эрне Рубик томонидан патентлаштирилган. Ушбу бошқотирма сотувлар ҳажми бўйича бошқа ўйинчоқлар орасида етакчи ҳисобланади.  

Яқинда 1990-йилларда оммабоп бўлган Тамагочи ишлаб чиқарувчиси ҳам ребрендинг ҳақида эълон қилганди.

    Бошқа янгиликлар