​ЎЗБЕКИСТОН – РОССИЯ ҲАМКОРЛИГИДАГИ МАХСУС ТАКТИК ЎҚУВ МАШҚЛАРИ ЯКУНЛАНДИ

ЖАМИЯТ 08.10.2017, 12:26
Теглар: Ўзбекистон, Россия
​ЎЗБЕКИСТОН – РОССИЯ ҲАМКОРЛИГИДАГИ МАХСУС ТАКТИК ЎҚУВ МАШҚЛАРИ ЯКУНЛАНДИ

Ўзбекистон Республикаси Жануби-ғарбий махсус ҳарбий округи ҳамда Россия Федерацияси Марказий ҳарбий округининг тоғ-ўқчи бўлинмалари ҳамкорлигидаги махсус тактик ўқув машқлари якунланди.

Машғулотларнинг сўнгги кунида икки давлат ҳарбий хизматчилари ўтиш мураккаб бўлган тоғли ҳудудларда ноқонуний қуролланган кучларни йўқ қилиш бўйича аксилтеррор операциясини амалга оширишди.

Бугунги замон жангининг ўзига хос хусусиятлари инобатга олинган ва реал ҳарбий ҳаракатларга максимал даражада яқинлаштирилган машқларда бирлашган қўмондонлик томонидан қўйилган ўқув жанговар топшириқларини Ўзбекистон Республикаси Мудофаа вазирлиги Ҳарбий Ҳаво кучлари ва артиллерия бўлинмалари, Ўзбекистон ва Россия ҳарбий округларининг тоғ-ўқчи бўлинмалари бажарди.

Олинган разведка маълумотларига кўра режалаштирилган ҳаракатлар давомида шартли душманнинг моддий таъминот базалари, техника воситалари ва бошқа кучлари батамом яксон қилиниб, гаровга олинганлар озод қилинди.

Машқларда кўзланган мақсадларга эришилди, - дейди майор Азамат Жабборов. – Бўлинмалар ҳаракатлари жараёнида энг самарали усулларни қўллашга, ўқув жанговар вазифаларни кам вақт ва куч сарфлаб бажаришга ҳаракат қилдик. Сафдошларим ва қўл остимдаги ҳарбий хизматчиларнинг шу давргача бўлган машғулотларда мураккаб рельеф ва ноқулай иқлим шароитларида жанговар ҳаракатларни олиб бориш кўникмасининг ошириб борилгани бизга жуда қўл келди.

Тинчлик ва хавфсизликни мустаҳкамлаш, халқаро терроризм, экстремизм каби глобал таҳдидларга қарши курашиш, мураккаб тоғ шароитида ноқонуний қуролланган кучларни йўқ қилиш бўйича ўтказилган ҳамкорликдаги машқларнинг тантанали ёпилиш маросимида Россия Федерациясининг Ўзбекистондаги Фавқулодда ва мухтор элчиси Владимир Тюрденев, Ўзбекистон Республикаси Мудофаа вазирининг ўринбосари – Жануби-ғарбий махсус ҳарбий округ қўшинлари қўмондони генерал-майор Павел Эргашев, Россия Федерацияси Мудофаа вазирлиги Марказий ҳарбий округ қўмондонлиги штаб бошлиғи ўринбосари генерал-майор Рустам Миннекаев иштирок этди.

Унда мазкур машқлар муваффақиятли якунлангани эътироф этилди. Аксилтеррор операциясида қўйилган ўқув жанговар топшириқиларни муваффақиятли бажарган ҳарбий хизматчилар – Ўзбекистон томонидан майор Азамат Жабборов, майор Хуршид Мамадалиев, кичик сержант Ҳабибулло Холбоев, шартнома бўйича ҳарбий хизматчи, оддий аскар Достон Маматов, Россия томонидан взвод командири катта лейтенант Сергей Баромыко, сержант Буян Кенден, шартнома бўйича ҳарбий хизматчи, оддий аскар Амир Килик тақдирланди.

Россия Федерациясининг Тыва Республикасидан келган ҳарбий хизматчилар маданий тадбирлар давомида Самарқанд шаҳрида ҳам бўлдилар.

Ватанингиз менда катта таассурот қолдирди, - дейди лейтенант Евгений Еранцев. - Жанговар тайёргарлик борасида сизларда ўзига хосликлар бор экан, ўзимизга зарур тажрибаларни олдик. Дала ўқув майдонининг мукаммал жиҳозлангани, бу ердаги шароитлар машқларнинг самарали ўтишига асос бўлди.

Россия Федерацияси ҳарбий хизматчилари шу куни ортга қайтдилар.

Ўзбекистон Республикаси Мудофаа вазирлиги матбуот хизмати.

Шарҳлар

Россияда сафарбарликни кечиктириш қоидалари ўзгарди

06.10.2022, 11:32

Путин сафарбарликни кечиктириш қоидаларига ўзгартиришлар киритиш тўғрисидаги фармонни имзолади. Энди расман кечиктириш "биринчи марта таълим олган, кундузги ва сиртқи таълим шаклларида ўқиётган фуқароларга" берилади.Қайд этилишича,...
Байден КХДР, ЛПР, Херсон ва Запорожедаги референдумлар учун Россияга санкциялар қўйишга ваъда берди

24.09.2022, 12:06

АҚШ президенти Жо Байден Вашингтон Украина ҳудудларининг Россия Федерацияси таркибига киришини ҳеч қачон тан олмаслигини айтди. У КХДР, ЛПР ва Херсон ва Запороже вилоятларининг рус...
Даъватларга берилманг ва эҳтиёткор бўлинг — Ўзбекистоннинг Россиядаги элчихонаси

22.09.2022, 11:03

Ўзбекистон Республикасининг Россия Федерациясидаги элчихонаси ватандошларни яна бир бор хорижий давлатлар ҳудудида жиноий жавобгарлик белгиланган ҳарбий ҳаракатларда иштирок этишдан огоҳлантиради.Элчихонанинг маълум қилишича, Ўзбекистон Республикаси фуқаролиги...
Россиянинг иккита авиакомпанияси Самарқандга парвозларни йўлга қўйди

21.09.2022, 12:04

"Ямал" авиакомпанияси Самарқанд ва Москва ўртрасида тўғридан-тўғри рейсларни йўлга қўйди. Бу ҳақда “Uzbekistan Airports” хабар берди. Маълум қилинишича, 20 сентябрь куни Самарқанд халқаро аэропорти Россиянинг "Ямал"...
Об-ҳаво: Тошкент
+21.97° ҳаво очиқ
Валюта курси
11028.14
USD 17.69
10950.94
EUR 72.62
185.42
RUB -1.12
1