Малайзиянинг Куала- Лумпур халқаро аэропортида «KLIA Awards 2016» мукофотини 12-тақдирлаш маросими бўлиб ўтди.
Унда “Ўзбекистон ҳаво йўллари” “Марказий Осиёнинг йўловчиларни ташиш бўйича энг яхши чет эл авиакомпанияси” номинациясида ғолиб деб топилди.
Мазкур мукофотни Малайзия аэропортлар уюшмаси бошқарув директори Датук Бадлишам Газали топширди. Мукофотлаш чоғида у Ўзбекистоннинг миллий авиаташувчиси биринчилардан бўлиб KLIA аэропортига Вoeing 787 Dreamliner лайнерида мунтазам қатнов амалга ошира бошлаганини қайд этди.
