Блаттерга тегишли компания билан келишув бекор қилинди
2018 йили Россияда бўлиб ўтадиган жаҳон чемпионати ташкилий қўмитаси Match Hospitality AG компанияси билан ишлаш шартларини ўзгартирди. ФИФАнинг собиқ президенти Жозеф Блаттернинг оила аъзоларига тегишли бу компания жаҳон чемпионати ўйинлари вақтида стадионларда VIP-ложаларга хизмат кўрсатиши белгиланганди. Бу ўринлар учун чипталар ҳам шу компания томонидан сотилишига келишилганди.
РБК манбаси маълумотига кўра, ЖЧ-2018 ташкилий қўмитаси ушбу компания билан келишувни бекор қилган. Тез орада VIP-ложалар бўйича янги пудратчини танлаш учун танлов ўтказилади. Келишувнинг бекор қилиниши сабаби маълум қилинмаган.
Шу билан биргаликда, Match Hospitality FIFA билан ЖЧ ўйинлари учун VIP-пакетлар сотиш бўйича келишувни сақлаб қолган. Чипталар сотуви 2017 йилнинг июнида йўлга қўйилди.
Энг қиммат чипталар пакети («Ката учлик» серияси) 2,8 млн доллардан таклиф этилади. Бу маблағ эвазига харидор Москвадаги «Лужники» ва «Спартак» стадионларида шунингдек, Санкт-Петербургда кечадиган барча ўйинларда вип-ложада бўлиши мумкин. Шу тариқа, бу пакет орқали, очилиш ўйин ярим финал ўйинлари ва финал ўйинини томоша қилиш имконини беради.
