— Шифокорлар 5 яшар ўғлимни икки марта (бўйин соҳаси ва бошини) рентген қилдиришни буюришди. Икки кун олдин бўйнини 3 хил ракурсда рентген қилдирдик. Энди бошини ҳам рентген қилдириш учун орадан қанча вақт ўтиши керак? Бу текширув кетма-кет амалга оширилганда боламга зарар қилмайдими?
Назира, Бўстонлиқ тумани
— Одатда рентген текшируви шифокор кўрсатмаси асосида ўтказилиб, боланинг ёши, тана вазнига кўра рентген нури даражаси белгиланади. Стационар шароитда мутахассисларнинг ўзаро келишуви ҳамда касалликнинг оғир ва ўрта оғир даражасига кўра рентген текширувида кетма-кетлик юзага келиши мумкин. Бу жараён аксарият ҳолларда касалликка эрта ва аниқ ташхис қўйиш учун ўтказилиб, шифокор кўрсатмаси билан бажарилади.
Манба: «SUG‘DIYONA» газетаси.
