Профессионал боксчи Хуршидбек Норматов фаолиятидаги тўртинчи жангини ўтказди.
АҚШнинг Машантукет шаҳридаги Foxwoods Resort казиносида ўтказилган бокс кечасида ҳамюртимиз Брюс Лачмедиалга қарши 6 раундлик жангда рингга кўтарилди ва рақибини биринчи раунддаёқ нокаутга учратди.
Бу Норматовнинг профессионал рингда қўлга киритган тўртинчи ғалабаси бўлди. Канадалик 26 ёшли Брюс эса бугун олтинчи жангини ўтказди. Унинг ҳисобида 2 та ғалаба ва бугунгиси билан ҳисоблаганда 4 та мағлубият бор.
