— Катталарга қўйиладиган рангли пломбалар ҳақида эшитгандим. Уни кичик ёшдаги болаларда ҳам қўллаш мумкин экан. Шу ростми? Кейинчалик тишга бирор ножўя таъсири бўлмайдими?
Абдулла Икромов, Тошкент шаҳри
Улуғбек МУҲАММАДХЎЖАЕВ, олий тоифали шикофор-стоматолог:
— Рангли пломбалар айнан болалар учун ишлаб чиқарилган бўлиб, таркиби фторга бой ҳисобланади. Бир марта қўйилган рангли пломба қайта тиббий амалиётни талаб қилмайди. Негаки, пломба таркибидаги фтор, тиш ювиш воситаларидаги фойдали компонентларни ўзига шимдириб олиб, тиш муҳофазасини таъминлайди. Болалар учун кўк, қизил, мовий ва бошқа бир неча рангдаги пломбалар мавжуд.
