— Ўғлим 14 ёшда. Бир неча кун аввал майкасини юваётиб, кўкрак соҳасидаги сарғимтир доғларга кўзим тушди. Ўзидан сўрасам, кўкрак учини сиққанида суюқлик ажралишини айтиб қолди. Билишимча, бу номеъёрий ҳолат. Бу вазиятга кимга мурожаат қилиш керак? Ўзгаришларнинг боиси нима?
А.Камолова, Навоий шаҳри
Дилфуза ОРТИҚОВА, олий тоифали шифокор-эндокринолог:
— Фарзандингиз соғлигида кузатилаётган ўзгаришлар балоғат ёшидаги айрим ўғил болаларда учраб туради. Тиббиётда ушбу ҳодиса гинекомастия дейилиб, эндокринолог кўригини талаб қилади. Сизга маслаҳатим, ўғлингизни мутахассис ҳузурига олиб боринг, тегишли тиббий таҳлиллар ўтказилгач, зарур муолажа тури тайинланади.
