Очиқ ҳавода кўпроқ сайр қилинг. Иммунитетни мустаҳкамлашнинг энг яхши усули — чиниқиш!
Алоэ
Алоэ япроқларини совуқ сувда ювиб, майдалаб бўлакланг-да, докага ўраб, шарбатини сиқиб олинг. 2 ош қошиқ алоэ шарбатига 1 чой қошиқ асал қўшиб, 5-6 кун тиндириб қўйинг. Кунига 2–3 марта овқатланишдан олдин 1 чой қошиқдан қабул қилинади.
Брусника ва клюква
Брусника ва клюква меваларидан (бозорларда сотилади) компот тайёрлаб, ҳар куни 1 стакандан ичиб туринг.
Ёронгул
Инфекцион касалликларнинг олдини олиш мақсадида уйда (имкон бўлса, ишхонада ҳам) ёронгул ўстиринг. Ундан ажралиб чиқадиган моддалар бактерия ва вирусларни ўлдиради.
Пиёз
Грипп эпидемияси вақтида бир бош пиёзни иккига бўлиб, 10–15 дақиқа давомида ҳидланг. Буни кунига 3-4 марта такрорланг.
Манба: «SUG‘DIYONA» газетаси.
