САМАРҚАНДДА 11 МИНГТА ЯНГИ ИШ ЎРНИ ЯРАТИЛАДИ
Бу ҳақда Президент Шавкат Мирзиёев Самарқандда 9 ноябрь куни ўтказилган Халқ депутатлари вилоят Кенгашининг навбатдан ташқари сессиясида маълум қилган.
– Сессия арафасида тегишли вазирликлар, компания ва банклар раҳбарларини Самарқанд вилоятига юбордик. Улар бу ерда ўн кун мобайнида қўшимча резервларни аниқлаб, конкрет инвестиция лойиҳаларини ишлаб чиқиш билан шуғулланди. Бу ишларнинг натижаси сифатида қўшимча инвестиция лойиҳаларини ўз ичига олган янги Дастур лойиҳаси шакллантирилди.
Дастурга мувофиқ 2018-2019 йилларда Самарқанд вилоятида умумий қиймати 4 триллион 200 миллиард сўм бўлган 321 та йирик лойиҳа амалга оширилади ва қарийб 11 мингта янги иш ўрни яратилади, – деган Президент.
Бу лойиҳалар еттита асосий йўналишлар бўйича ҳаётга татбиқ этилади.
Шавкат Мирзиёев нутқида ҳар бир йўналишга алоҳида-алоҳида тўхтадиб ўтган.
