Синчуан шаҳрида истиқомат қилувчи отанинг қизига қилган муносабати хитойликларнинг катта муҳокамасига сабаб бўлди.
Суратларда кўриниб турганидек, ота қизига нисбатан қўпол мунасабатда бўлмоқда. The Daily Mail нашрининг хабарига кўра, ушбу воқеа гувоҳларидан бири вазиятни суратга олиб, Хитойда машҳур бўлган ижтимоий тармоқлардан бирига жойлаган.
Кейинчалик маълум бўлишича, қиз совуқ ҳавода қишки кийми ёқмагани учун уни кийишдан бош тортган, ота қизини қишки киймини кийиши учун узоқ вақт кўндиришга ҳаракат қилган. Бироқ қайсар қизалоқ отасининг гапига қулоқ солмагач, отанинг сабри тўлган ҳамда қизининг устидаги барча кийимларини ечиб, йўлка бўйлаб олиб кетган.
Ота-боланинг қўни-қўшнилари отанинг фарзандига ҳеч қачон қўл кўтармагани ҳамда қизининг оғзидан чиққан нарсаларни муҳайё қилавериб, жуда ҳам эркалатиб юборганини айтишди.
Бўлган воқеа ҳақида полиция ходимларига хабар берилган, аммо полиция отани жазолашга арзирли сабаб топмади.
