“Битлз” гуруҳига тегишли эсдалик буюмлардан иборат энг улкан коллекция Родольфо Ренато Васкесга тегишли. 2011 йилда ушбу тўпламда 7700 та турли сувенирлар мавжудлиги расман қайд этилган. Родольфо 10 ёшидан бошлаб Ливерпуль квартетининг ашаддий ишқибозига айланган.
Унинг тўпламидан жой олган кўплаб буюмлар 2011 йили Буэнос-Айресда очилган музей залларига ҳам қўйилган. Ноёб экспонатлар орасида афсонавий гуруҳга мансуб журналлар, китоблар, газеталар, дастхатлар, фотосуратлар, видеоёзувлар, компакт-дисклар, афишалар, концерт чипталарини учратиш мумкин.
