КХДР шарқий соҳилларида яна иккита ракета қисқа масофага учирилди. Бу ҳақда Vesti.ru сайти Жанубий Корея мудофаа вазирлигига таянган ҳолда хабар бермоқда.
Нашрнинг ёзишича, гап Корея халқ армиясига тегишли Scud-C ракеталари ҳақида бормоқда. Уларнинг учиш масофаси 500-600 кмни ташкил қилади, дея хабар беради ИТАР-ТАСС ахборот агентлиги. Ушбу ракеталар уларга Жанубий Корея ва Япония ҳудудига тегишли ерларни нишонга олиш имконини беради.
Маълумотларга кўра, бу Жанубий Корея ҳамда АҚШ ҳарбийларининг Корея ғарбида ўтказаётган ўқув-машғулотлари билан боғлиқ. Пхенян бу ҳарбий ўқув-машғулотларни КХДРга кириш учун тайёргарлик дея атади.