Айни пайтда мамлакатимизда 160 мингдан ортиқ фермер хўжалиги фаолият кўрсатаётган бўлиб, шундан қарийб 5 минг 900 тасини, яъни 3,6 фоизини ёш фермерлар ташкил этади, деб езади ЎзАА.
«Она ер ёшлар қўлида» шиори остида Ўзбекистон ёш фермерларининг I Республика форумида янги ишлаб чиқилаётган “Фермер хўжалиги тўғрисида”ги низом кенг муҳокама қилиниб, ёш фермерлар томонидан ҳам бу ҳужжатга қатор таклифлар берилди.
Анжуман доирасида Халқ банки ва “Ипотекабанк” акциядорлик тижорат банки билан ҳамкорликда наслли чорвачилик ҳамда балиқчиликни ривожлантириш учун 900 миллион сўмлик имтиёзли кредитлар олиш ҳуқуқини берувчи сертификатлар топширилди.
