Алоқа сунъий йўлдошлари йўқолган "Boeing-777-200"нинг кучсиз электрон сигналларини ушлади. Аммо ушбу сигналлар орқали самолётнинг қаерда ва қай аҳволда эканлигини аниқлашнинг имкони бўлмаяпти. Бу ҳақда Reuters ахборот агентлиги хабар берди.
ИТАР-ТАСС хабарига кўра, сигнал носозлик қидирув тизимидан чиққан, бироқ тўлиқ техник маълумот олишнинг иложи бўлмаган.
Эслатиб ўтамиз, 8 март куни Малайзия авиакомпаниясига тегишли бўлган самолёт парвозга чиққанидан икки соат ўтиб, сирли тарзда ғойиб бўлган. Boeing бортида 14 мамлакатдан 239 киши бўлган. Лайнернинг қидирув ишларида Малайзия, Хитой, Сингапур, Вьетнам, Филиппин, Индонезия, Ҳиндистон ҳамда АҚШ кема ва самолётлари иштирок этмоқда.
