18 март куни Россия ва Қрим ўртасида республикани Россия Федерацияси таркибига қўшиш тўғрисидаги шартномага имзо чекилди.
Бугун Россия Федерацияси президенти Федерал кенгаш билан йиғилиш ўтказди ҳамда Қрим ва Севастополни РФ таркибига қўшиш тўғрисидаги қонунни маъқуллашни сўради. “Федерал кенгашдан Россия таркибига икки янги субъект - Қрим Республикаси ҳамда Севастопол шаҳрини қўшиш тўғрисидаги конституцион қонунни кўриб чиқишни сўрайман”,- деди Россия Федерацияси президенти Владимир Путин Федерал кенгашга қарата қилган баёнотида.
Владимир Путин ушбу федерал қонун Қримда бўлиб ўтган умумхалқ референдуми натижаларига кўра, халқ истаги билан киритилаётганини айтиб ўтди.
