Сербиялик 56 ёшли мутахассис Завиша Милославлевич пойтахтимизга таклиф этилган. Унинг мамлакатимизда болалар футболини ривожлантириш бўйича дастури Ўзбекистон футбол федерацияси раҳбариятига маъқул келса, Завиша Миловславлевич Андижон, Фарғона, Наманган вилоятларида иш олиб боради.
У 20 декабрь куни юртимизга ташриф буюради. Испаниялик мутахассис ҳам болалар футболини ривожлантириш бўйича ўз дастурини Ўзбекистон Футбол Федерацияси раҳбариятига тақдим этади. Бу дастур ўрганиб чиқилгач, мутахассисга шартнома таклиф этилади.
Кико Зунига 1962 йил Испанияда таваллуд топган. Футболчи сифатида “Реал Сосьедад” клуби сафида тўп суриб, “Copa del Rey” совринини қўлга киритган.
Мураббийлик фаолияти давомида Мадриднинг “Атлетико” жамоасининг U-13 ва U-14 жамоаларини бошқарган. Шунингдек, Кико Зунига “Реал” Мадрид жамоасининг Хитойда жойлашган академиясида ҳам фаолият юритган.
