ЙЎЛОВЧИГА ЁРДАМ

"Маршруткага ўтирганимда, ўриндиқда букланиб ўтирган аёлга кўзим тушди. Ундан нима бўлганлигини сўрадим, аммо аёл жавоб беришга куч тополмади. Ўтирганларнинг ҳаммаси ўрнидан туриб, тушиб кетди. Ҳайдовчи билан бирга уни касалхонага олиб боришга қарор қилдик. Ундан қариндошларининг телефон рақамини сўраганимда, инсультга чалинган турмуш ўртоғидан бошқа ҳеч кими йўқлигини базўр тушунтирди. Аёл касалхонага етгунча, қўлидан ҳамёнини қўймади. Касалхонага борганида, шифокорлар унинг инсультни бошдан кечирганини, вақтида олиб келингани туфайли ҳаёти сақлаб қолинганини маълум қилишди".