Ўзбек миллати ҳар доим савоб талабида бўлган ва доим ўзгаларга яхшилик қўлини чўзиб келган. Ўзбекистоннинг Хива шаҳридан бўлган, айни дамда АҚШда истиқомат қилаётган Суҳроб Каримов ҳам ана шундай савобли ишга қўл урди.
Гап Суҳроб Каримов ҳақида кетяпти. Асли хивалик бўлган ўзбекистонлик фуқаро ҳам сувсиз давлатларда қурғоқчиликдан азият чекаётган одамларга ёрдам бериб келмоқда.
«Янги лойиҳамиз Нигерияда замонавий қудуқлар қуришдан иборат бўлиб, дастлабки иккита қудуқ фойдаланишга тайёр ва уларга ота-онамнинг номини бердим», деб ёзади Суҳроб Каримов Фейсбукдаги саҳифасида.
