Куни кеча Қувасой шаҳрида Фарғона вилоятининг иқтисодий ва сармоявий салоҳиятини ривожлантиришга бағишланган халқаро бизнес форум бўлиб ўтди.
Унда Туркия Республикасининг Ўзбекистон Республикасидаги Фавқулодда ва мухтор элчиси Намик Гюнер Эрпул бошчилигидаги делегация ҳам иштирок этди. Бу ҳақда элчихона матбуот хизмати хабар берди.
Форум доирасида бўлиб ўтган иккитомонлама бизнес учрашувларда ўзбекистонлик тадбиркорларнинг маҳсулотларини Туркияга экспорт қилиш, Туркиядан эса технологик ускуналар ва ҳом-ашё сотиб олиш истагида бўлган шунингдек инвестиция лойиҳалари учун ҳамкор излаганларнинг талаб ва таклифлар элчихона вакиллари томонидан руйҳатга олинди.
Ушбу таклифлар Туркиядаги фирма ва компаниялар ҳамда тадбиркорларнинг эътиборига ҳавола этиш учун элчихонанинг Тижорат бўлими орқали Туркия республикаси Иқтисодиёт вазирлигига юборилади.
