«Барселона» клуби ҳужумчиси Лионель Месси келажакда ўзини ҳозирча мураббий сифатида кўрмаётганини айтиб ўтди.
Журналистлар 30 ёшли Мессидан келажакда, футболчилик фаолиятини якунлаганидан сўнг, мураббий бўлиб ишлаш истаги бор йўқлиги билан қизиқишди.
«Ростини айтсам, менда мураббийлик қобилияти йўқ. Аммо мен қачондир фикримни ўзгартирарман», - дейди Месси.
Мессининг «Барселона» клуби билан амалдаги шартномаси 2021 йилгача мўлжалланган.
