АҚШ президенти Барак Обама Брюсселга ташрифи чоғида яшаган The Hotel меҳмонхонасига АҚШ давлат департаменти €1,1 млн.дан ортиқ пул тўлайди.
Ҳисоб 283 та хонада яшаган президентга ҳамроҳлик қилган хавфсизлик хизмати, алоқа ва логистика ходимлари учун тўланади.
ИТАР-ТАССнинг маълумотларига кўра, Обамани Бельгияга 24 соатли ташриф чоғида 900 кишидан иборат 45 та автомобил кузатган. ЕИ пойтахтига машиналар учта ҳарбий-транспорт самолётида келтирилган.
Брюссель бургомистри Иван Майернинг айтишича, шаҳар Обаманинг бир кунлик ташрифи учун €10 млн сарфлаган.
Обаманинг ташрифи бельгияликлардан хавфсизлик чораларини кучайтиришни талаб қилган –унинг ҳаракат йўналишининг ўзига қўриқлаш учун 350 нафар ҳарбий ва полициячилар сафарбар қилинган.
