14 апрел куни пойтахтимизнинг “Фарғона йўли” кўчасида 26- ва 13-трамвай ўзаро тўқнашиб кетди. Бу ҳақда Facebook’даги “Водители Ташкента” гуруҳи аъзоларидан бирининг маълумотларига таяниб uz24.uz хабар беради.
Хабарда ёзилишича, катта тезликда келаётган 13-трамвай 26-трамвайга урилган, бунинг оқибатида трамвай ўн метр нарига сурилиб кетган. Итарилиш оқибатида биринчи ва иккинчи эшик оралиғидаги трамвай поли тахминан 40 сантиметргача кўтарилган.
Гуруҳ аъзоларининг сўзларига кўра, жабрланганлар орасида болалар ҳам бор.
