International Business Travel ва Ўзбек-Хитой савдо уйи компанияларининг саъй-ҳаракатлари билан ўзбекистонлик тадбиркорлар делегацияси бутун дунёга машҳур бўлган “Canton Fair-2014” кўргазмасига юборилди.
Делегация таркибига Ўзбекистоннинг барча ҳудудларидан 50 нафар тадбиркор кирди, дея хабар беради Anhor.uz.
Импорт ва экспорт маҳсулотлари Хитой ярмаркаси 1957 йилдан бери Гуанчжоу шаҳрида бир йилда икки маротаба баҳор ва кузда ўтказилади. Кўргазмага бутун дунёдан тадбиркорлар ташриф буюришади. Бугун Canton Fair бутун дунёда энг машҳур кўргазмалардан бири ҳисобланади.
Ўзбекистон тадбиркорлари ўртасида саноат корхоналари, компьютер ва рақамли техника импорти билан шуғулланадиган, тикув ва текстил ишлаб чиқарувчи, қурилиш компаниялари, фармацевтик ва тиббиёт муассасалари алоҳида қизиқиш касб этади.
Ташкилотчи компаниянинг маълумотларига кўра, Canton Fair кўргазмасида ҳар йили 300 нафар ўзбекистонлик тадбиркор иштирок этади.
