Ўтган 2017 йилда банк кассаларига тушган нақд пуллар ҳажми 39,5 триллион сўмни ташкил этди, дея хабар берди Ўзбекистон Республикаси Марказий банки матбуот хизмати.
Бунда энг кўп пул товарларни сотишдан тушган – 47 фоиз (18,7 триллион сўм). Шунингдек, пуллик хизмат кўрсатиш соҳасидан тушум – 15 фоиз (5,9 триллион сўм), аҳолининг банк омонатларига жойлаштирган пуллари – 14 фоиз (5,6 триллион сўм), солиқлар ва бошқа мажбурий йиғимлар – 11 фоиз (4,2 триллион сўм), бошқа соҳалардан тушум – 13 фоиз (5,1 триллион сўм)ни ташкил этди.
Биринчи ярим йилликда банк кассаларига 27,7 триллион сўм тушиб, январь-июнь ойларига нисбатан 15,9 триллион сўм ёки 2,3 мартага кўпайди.
Кейинги ярим йилликда солиқлар ва бошқа мажбурий йиғимларда энг катта ўсиш қайд этилган. 2017 йилнинг январь-июнь ойларида биринчи олти ойга нисбатан қарийб 4 баробар кўпроқ, аниқроғи, 2,5 триллион сўм миқдорида солиқ ва бошқа мажбурий йиғимлар банкларга тушум қилинган.