2018 йилдан бошлаб умумий ўрта таълим мактаблари ўқитувчиларининг иш вақти меъёрларини белгилашга оид амалдаги ҳужжатларга ўзгартишлар киритиш асосида ортиқча қоғозбозлик ва ҳисоботбозликка чек қўйилади.
Бу бугун Ўзбекистон Республикаси Президенти Фармони билан қабул қилинган “Фаол тадбиркорлик, инновацион ғоялар ва технологияларни қўллаб қувватлаш йили” Давлат дастурида белгиланган.
Шу билан бирга олий таълим муассасаларига кириш бўйича тест синови натижалари тест ўтказилган куннинг эртасига эълон қилиш амалиёти жорий этилади.
"Тараққиёт стратегияси" маркази хабарига кўра, 231 банддан иборат Давлат дастурида 37 та қонун қабул қилиниши белгиланган.
