Жорий йилнинг 1 февралидан эътиборан, банк ходимларининг тушлик танаффус вақти соат 13:00 дан 14:00 гача этиб белгиланди.
Ўзбекистон Республикаси Марказий банкидан маълум қилишларича, аҳоли, корхона ва ташкилотлар, шунингдек, тадбиркорлик субъектларига банк хизматлари кўрсатишда янада қулайлик яратиш мақсадида ички меҳнат тартиби қоидалари қайта кўриб чиқилди.
Гап шундаки, банк бошқарувининг 2018 йил 27 январда қабул қилинган тегишли қарорига мувофиқ, банкларнинг барча филиал ҳамда аҳолига хизмат кўрсатиш бўлинмаларида тушлик танаффус вақти ўзгартирилди.
Эслатиб ўтамиз, айни пайтда банк ходимларининг тушлик вақти соат 14:00 дан 15:00 гача.
