Австарлия ҳукумати Malaysia Airlines авиакомпаниясининг йўқолган лайнерининг қидирув ишларига кучли гидролокатор аппаратини жалб қилмоқчи.
“Bluefin 21” сув ости аппарати қидирув ҳудудининг 80 фоизини текшириб чиқди. Аммо, бу қидирувлар ҳозирча ҳеч қандай натижа бермади.
Австралия мудофаа вазири Дэвид Жонсоннинг айтишича, қидирув ишларига кучли бўлган гидролокатор жалб қилиниши мумкин. Бу ускунага ўхшаш қурилма ёрдамида 1985 йили Атлантика океани тубидан “Титаник” топилган эди.
“Кейинги қадам кучли ва чуқурликда ишлай оладиган гидролокаторни ишга солиш бўлади”,- дейди Жонсон.
Шунингдек, Австралия ҳукумати Малайзия, Хитой ва АҚШ вакиллари билан март ойида йўқолган лайнер қидирув ишларининг кейинги босқичларига ўтиш тўғрисида келишиб олди.
