Ўзбекистон Республикаси Президентининг Олий Мажлисга Мурожаатномаси асосий қоидалари “2030 йилгача Барқарор ривожланиш соҳасидаги кун тартибини амалий рўёбга чиқариш бўйича Ўзбекистон ҳукуматининг чора-тадбирлари тўғрисида” деган ном билан Бирлашган Миллатлар Ташкилоти Бош Ассамблеяси 72-сессиясининг расмий ҳужжати сифатида тарқатилди.
Ташқи ишлар вазирлиги хабарига кўра, ҳужжат ташкилотнинг расмий тилларига (араб, инглиз, испан, рус, француз ва хитой) таржима қилинди ҳамда БМТда аккредитациядан ўтган барча дипломатик ваколатхоналарга тарқатилди, шунингдек, БМТ расмий ҳужжатлари тизимида жойлаштирилди.
