Халқ таълими вазирлиги томонидан устоз-мураббийларнинг шаъни, қадр-қиммати ва обрўсини қонуний ҳимоя қиладиган қарор лойиҳаси ишлаб чиқилмоқда. Бу ҳақда Миллий матбуот марказида бўлиб ўтган тадбирда Халқ таълими вазири Улуғбек Иноятов маълум қилди.
– Мазкур қарорда чекка-чекка туманларда, ўзи яшайдиган ҳудуддан олисда меҳнат қиладиган ўқитувчиларга уй-жой ажратиш, моддий ва маънавий қўллаб-қувватлаш тизими жорий этилади, – деди У.Иноятов. – Бу билан халқимиз орасида ўқитувчи деган шарафли касб эгаларининг обрўсини янада ошириш кўзда тутилган.
