Маълумки ўзбек ва қозоқ халқлари ўртасидаги дўстли ва ҳамжиҳатлик узоқ тарихга эга. Бугунги кунда ҳам икки давлат ўртасидаги алоқалар тобора ривожланиб бормоқда. Бу алоқалар давлат раҳбарлари, ҳукумат расмийларининг ташрифлари, икки томонлама имзоланаётган ҳужжатларда ҳам ўз аксини топаётир.
Яқинда Қозоғистон Республикасининг Ўзбекистондаги элчихонасида ўтказилган матбуот анжуманида ҳам икки давлат ўртасидаги дўстона алоқалар, шунингдек қардош мамлакатнинг сўнгги йилларда эришаётган ютуқлари ҳақида сўз борди.
Буюк ўтмишдан буюк келажак сари
Албатта, икки халқ тарихини бир-бьиридан айро ҳолда тасаввур этиб бўлмайди. Ўз даврида қозоқ халқининг буюк шоири Абай ўзбек мутафаккири Алишер Навоийни ўзига устоз деб билади, унинг изидан бориб, бир қатор шеърлар, достонлар яратади. Халқ оғзаки ижодида ҳам ана шундай ўхшаш жиҳатлар яққол кўзга ташланади. Хусусан, қаҳрамонлик, жасорат тимсоли бўлган Алпомиш образи ҳар икки халқ достонларида куйланади.
Бугунги кунда Ўзбекистон ҳудудида қозоқ, Қозоғистонда ўзбек халқининг юз минглаб вакиллари истиқомат қилади. Бугунги кунда Қозоғистоннинг Туркистон шаҳрида Соҳибқирон Амир Темурнинг пири комиллари Аҳмад Яссавий қабри устида тикланган мақбара ҳамон етти иқлимданкелган сайёҳларни ўзига жалб этмоқда. Ул зотнинг мақбаралари яқинида буюк шоҳ ва олим Мирзо Улуғбекнинг тўртинчи қизи Робия султонбегим дафн қилинган.
Манбаларнинг гувоҳлик беришича, қозоқ халқининг атоқли фарзанди, давлат арбоби, шоир ва мутафаккир Тўлебий (1663-1756) Тошкентдаги Шайх Хованди Тоҳур тарихий мажмуасининг шимолий қисмидаги мақбарада дафн қилинган. Қозоғистон Респубилкаси Президенти Нурсултон назарбоев 2017 йил 16 сентябрь куни мамлакатимизга қилган расмий ташрифида давомида ана шу мақбарани ҳам зиёрат қилиб, бу тарихий шахснинг икки халқ ҳаётида тутган ўрни ҳақида тўхталиб ўтган эди.
Ҳамкорлик тобора ривожланмоқда
Ўтган 2017 йилнинг декабрь ойида Қозоғистон президенти Нурсултон Назарбоев янги йилни Қозоғистонда Ўзбекистон йили деб эълон қилди.
Қозоғистоннинг мамлакатимиздаги элчихонасида билдиришилича, қўшни давлатда “Ўзбекистон йили” март ойидан бошланиши кутилмоқда. Шу муносабат билан ишлаб чиқилган кенг кўламли дастур доирасида йил давомида икки мамлмкат ўртасидаги иқтисодий, ижтимоий-сиёсий, маданий соҳалардаги ҳамкорликни янада мустаҳкамлаш борасида бир қатор чора-тадбирлар амалга ошилиши кутилмоқда.
Ўтган йили икки давлат ўртасида иккита давлат ташрифи амалга оширилиб, улар доирасида 27 та шгартнома имзоланди. Бугунги кунда Ўзбекистоннинг ташқи товар алмашинувида Қозоғистон (8,7%) Хитой (17,7%) ва Россия (17,2%)дан кейинги учинчи ўринни эгаллайди.
Мамлакатларимиз ўртасида транспорт соҳастдаги ҳамкорлик ҳам эътиборга молик. 2017 йил 22 мартда “Алмати-Тошкент-Алмати” тезюрар поезди, 11 июнда “ЭКСПО-2017” бутунжаҳон кўргазмаси доирасида “Самарқанд-Остона-Самарқанд” ” йўналишида поезд қатнови йўлга қўйилган эди. Тошкент шаҳрини мамлакатимизнинг жанубий ҳудудлари билан боғловчи М-39 автомобил трассасининг Қозоғистон ҳудудидан ўтувчи қисмининг қайта очилиши йўловчилар муайян қулайлик яратди. Жорий йил бошидан Тошкент-Чимкент йўналишида мунтазам автобуслар қатнашни бошлади.
Қозоғистон Президентининг мурожаатномаси
Матбуот анжуманида сўзга чиққан Қозоғистон элчиси Ерик Утенбаев ўз нутқида мазкур мамлакат раҳбари Нурсултон Назарбоевнинг 2018 йил 10 январдаги Қозоғистон халқига йўллаган мурожаатномаси мазмун-моҳияти билан ҳам таништириб ўтди.
Таъкидланганидек, мазкур мурожаатномада Қозоғистон халқи шу пайтга қўлга киритган муваффақиятлар, шунингдек, келгусида кўзда тутилган режалар ўз аксини топган. Ўтган йили Остонада ўтказилган “Экспо-2017” Бутунжаҳон кўргазмаси мамлакат салоҳиятини яна бир карра намоён қилди. Ўтган йили Қозоғистон БМТ Хавфсизлик кенгашининг муваққат аъзоси бўлди. Январб ойидан бошлаб Қозоғистон мазкур нуфузли кенгашни бошқариб келаётир.
Ўн банддан иборат бўлган мурожаатнома инновацион технологияларни ривожлантириш, заҳира салоҳиятини юксалтириш, муқобил энергия манбаларидан фойдаланиш, аграр ислоҳотларни чуқурлаштириш, транспорт-логистика инфратузилмаси самарадорлигини ошириш, қурилиши ва коммунал секторга замонавий техноолгияларни татбиқ этиш, молиявий секторни “қайта юклаш”, ижтимоий сиёсатни янада кучайтириш, самарали давлат бошқарувини йўлга қўйиш, коррупцияга қарши курарш ва қонун устуворлигини таъминлаш, “ақлли шаҳарлар” бунёд этиш сингари масалаларни ўз ичига олган.
Мазкур мурожаатнома Қозоғистон халқининг келажагини, мамлакатнинг истиқболдаги вазифаларини белгилашда муҳим аҳамиятга эга. Албатта, қардош, диндош, қисматдош халқнинг порлоқ келажаги, эртанги куни биз Ўзбекистон халқини ҳам беҳад қувонтиради.
