Ўзбекистонда хизмат кўрсатган артист Райҳон Ғаниева ўзининг 15 юбилей концерт дастурига бугун старт берди.
Репортаж аввалида шуни алоҳида таъкидлаб ўтиш керакки, Райҳон 18 йиллик давр муобайнида шоу бизнеснинг хақиқий эгасига айланганини исботлади!
У 2 соат давомида маюс қўшиқлари билан мехмонларни йиғлатган бўлса, шўх ва рақсинкор тароналари билан хаммага позитив кайфият улаша олди.
Рақс хақида гап кетар экан, хонанданинг раққосалик бобида жуда махоратли эканига тан бермасдан иложи йўқ. У ўзиниг ўн бешинчи йилги концертида нафақат замонавий, балки миллий рақси билан ҳам лол қолдирди.
Концерт давомидаги дуэтларга алоҳида тўхталиш лозим. Ўзбекистонда хизмат кўрсатган артист Равшан Намозов билан "Ёр -ёр" ва Зиёда Қобилова билан куйлаган халқ қўшиғи, мухлисларни олқишига сазовор бўлган бўлса, Ўзбекистон халқ артистилари Фаррух Зокиров ва Зулайҳо Бойхонова билан қилинган ҳамкорлик хаммани қоил қолдирди. Хонанданинг доимий ҳамкори Жаҳонгир Позилжонов билан куйганган дуэтлар папуриси хаммани рақсга чорлади.
"Проарт" компания томонидан ташкиллаштирилган декорация, чироқ ва овоз созламалари мароқли хордиқ чиқариш учун яна бир қулайлик, бўлди десак адашмаймиз.
Бир сўз билан айтганда, Райхоннинг 2018 йилги концерт дастури яна 15 йилга татигулик завқни ҳаммага улашди.
Эслатиб ўтамиз, концерт 23 февралга қадар давом этади.
Янада батафсил маълумотларни сайтимизда кузатиб боринг.
