Туркиянинг Маниса провинциясидаги кўмир шахтасида юз берган ҳалокат қурборлари сони 274 нафарга етди, бу ҳақда мамлакат энергетика ва табиий ресурслар вазири Танер Йилдиз хабар қилади.
ИТАР-ТАСС ахборот агентлигининг хабар қилишича, ушбу ҳодиса тоғ-кон саноати тарихидаги энг йирик ҳалокатга айланди. 1992 йилда Зонгулдак провинциясидаги шахтада метан портлаши оқибатида 263 киши ҳалок бўлган эди.
“Ҳозирда бизга вақт қарши чиқмоқда. Ер остидаги ёнғин ўчмаяпти”,-дейди вазир. Ҳозирда қутқарув ишлари давом этмоқда. Танер Йилдизнинг айтишича, 196 нафар кончининг жасади қариндошларига берилган, касалхонада эса 60 нафар кончи қолмоқда.
