Хитой Марказий телевидениесида рус тилида эфирга чиқадиган Халқаро CCTV-Русский телеканали ўзининг Ўзбекистондаги ҳамкасблари билан ҳамкорликни ривожлантирмоқчи.
Бу ҳақда Podrobno.uz мухбирига Хитой телеканал директори ўринбосари Иннокентий Хуань маълум қилди.
Ҳамкорлик алоқаларини ўрнатиш мақсадида Ўзбекистон Миллий телерадиокомпаниясига расмий хат юборилган ва ҳозирда ижобий жавоб ҳам олинган, – дейди телеканалнинг раҳбари ўринбосари.
Агентликдан маълум қилишларича, ҳамкорликнинг илк босқичида телеэфир алмашиш, мухбир ва техник ходимлар учун танишув сафарлари уюштириш, шунингдек ходимларнинг стажировкаси ташкил этилади. Кейинчалик Хитой телеканали Ўзбекистонда аккредитациядан ўтган ўз мухбири бўлиш истагини ҳам билдирди, бу эса эфир учун мамлакат ҳақида эксклюзив муаллифлик материаллар тайёрлаш имконини беради.
Иннокентий Хуаньнинг таъкидлашича, самарали муносабатларни ўрнатиш учун уларга Ўзбекистонда мухбирлик пункти ташкил этиш ҳам режалаштирилган.
Таъкидлаш жоизки, жорий йилнинг июл ойидан CCTV-Русский эфирига янги «Евросиё вақти» дастурини киритиш режалаштирилган, унда Ўзбекистон ҳақида туркум кўрсатувлар узатилади.
CCTV-Русский телеканалининг бош вазифаси Хитой ва МДҲ мамлакатлари ўртасидаги ҳамкорликни мустаҳкамлаш ҳисобланади.
