Хитойнинг Нанчан шаҳрида кучли шамол туфайли аэропорт терминалининг шифти қулаб тушди ва йўловчилар орасида ваҳима келтириб чиқарди. Бу ҳақида «РИА Новости» хабар қилди.
Кадрларда шифт бўлаклари машиналар устига тушаётганини кўриш ва йўловчиларнинг қичқириғини эшитиш мумкин.
ОАВ маълумотларига кўра шамол тезлиги секундига 30 метрга етган. Бу кучли довул ҳисобланади (бўроннинг энг қуйи тезлиги секундига 32 метр).
Аэропорт ишчиларининг сўзларига кўра, бир қанча рейслар кечиктирилган, аммо кечга бориб аэропорт одатдаги режимда ишлай бошлаган. Ҳодисада ҳеч ким жароҳат олмаган.
