АҚШнинг Флорида штатида бўлиб ўтаётган цирк томошаси вақтида Cirque du Soleil цирки акробати Ян Арно баландликдан пастга қулаб, ҳалок бўлди, деб хабар берди Vesti.ru нашри.
Мазкур фожиани томошабинлардан бири видеога олган. Ҳодиса 17 март куни Volta шоусида юз берган. Дунёга машҳур цирк Тампда 14 февралдан бери томошалар қўяётган эди Ҳалок бўлган 38 ёшли Арно 15 йилдан бери мазкур цирк труппасида фаолият юритиб келган. У томоша вақтида қўлидан халқа чиқиб кетиши оқибатида 6 метр баландликдан пастга қулаган ва олган тан жароҳати туфайли воқеа жойида ҳалок бўлди.
Ян Арно асли франциялик бўлганига қарамай, Майами шаҳрида истиқомат қилган у оилали бўлиб, бир нафар қизчаси бўлган. Бу Cirque du Soleil цирки учун илк йўқотиш эмас. 2013 йилда 31 ёшли канадалик акробат Лас-Вегасда бўлаётган томошада 15 метр баландликдан пастга қулаб, воқеа жойида оламдан ўтган эди.
