КХДРда саёҳатчи меҳмонхонада Инжилни қолдириб кетгани учун қўлга олинди

ДУНЁ 07.06.2014, 09:13
КХДРда саёҳатчи меҳмонхонада Инжилни қолдириб кетгани учун қўлга олинди

Шимолий Кореяда АҚШлик сайёҳатчи меҳмонхонада Инжилни қолдириб кетгани учун қўлга олинди. Саёҳатчи мамлакатга 29 апрель куни ташриф буюрган эди, кетиш арафасида эса қўлга олинди. 

КХДР ҳукумати қўлга олинган шахс сайёҳатчи сифатида мамлакатга ташриф буюргани, аммо у саёҳат билан боғлиқ бўлмаган фаолият билан шуғуллангани ҳақида хабар берди. 

Корея марказий ахборот телеграфи хабарига кўра, у АҚШ фуқароси Жеффри Эдвард Фоул экан.  CNN телеканали қайд этишича, у ташкил этилган бир гуруҳ саёҳатчилар билан ташриф буюрган ва май ойининг ўрталарида қўлга олинган. 

АҚШ ҳукуматининг бу воқеадан хабардор. АҚШ давлат департаменти КХДРдаги учинчи АҚШ фуқароси қўлга олинганидан ҳавотирга эканликларини билдиришган. Аммо, ортиқча маълумотларни ошкор қилишмади. 

Апрел ойида яна бир АҚШ фуқароси КХДР ҳудудида қўлга олингани ҳақида хабар берилган эди.  Миллер Мэтью Тодд ўзининг туристик визасини йиртиб ташлаган ва ушбу мамлакатдан сиёсий бошпана сўрашини маълум қилган эди.  Шимолий Кореяда АҚШ элчихонаси бўлмагани сабабли унинг иши билан швециялик дипломатлар шуғулланишмоқда. 

Шарҳлар

Об-ҳаво: Тошкент
Валюта курси
1