Наманган шаҳрида 24 март куни 80 ёшли қария ўлдирилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
"Соат 15:10 атрофида Тўрақўрғон тумани, Ҳ.Олимжон маҳалласида яшовчи, 1971 йилда туғилган А.Умаров шаҳарнинг Бунёдкор маҳалласида яшаган пенсионер, 1937 йилда туғилган Р.Неъматовнинг бошига кетмон билан уриб, жароҳат етказди", - дея қайд этилган хабарда.
Бунга қариянинг уйида рўй берган ўзаро жанжал сабаб бўлгани билдирилмоқда.
Зарба натижасида Р.Неъматов воқеа жойида ҳаётдан кўз юмди. А.Умаров қўлга олинди.
