Кеча Тошкент шаҳридаги Инҳа университети (IUT)да “Oracle Academy”нинг очилиш маросими бўлиб ўтди. Бу ҳақда "Халқ сўзи" наўри маълум қилди.
Эслатиб ўтамиз, “Oracle Academy” — АҚШнинг дастурий таъминот ишлаб чиқарувчи “Microsoft”дан кейинги иккинчи ўринда турадиган йирик “Oracle” компания томонидан ўқитувчиларнинг ўқиш ва ишлашига тайёргарлик кўриш учун мактабларда, коллежларда ва университетларда талабалар учун ахборот технологияларини узлуксиз ўрганиш учун барча зарур ресурсларни тақдим этиш учун мўлжалланган таълим ташаббуси ҳисобланади.
Ҳар йили “Oracle Academy” курсларида 120 мамлакатдаги 3,5 миллион нафардан ортиқ талаба таълим олади. “Oracle Academy” дастурлари ёшларга ҳақиқий ҳаётга тайёргарлик кўриш ва замонавий глобал иқтисодий шароитларда ишлашга ёрдам беради.
Ёшлар “Java Fundamentals”, “Java Foundations”, “Java Programming”, “Database Foundations”, “Database Design and Programming With SQL”, “Programming with PL/SQL, APEX – Application Development Foundations” каби энг машҳур академик курсларда бепул таълим ўқишлари мумкин. Маъруза ва мустақил ўқиш, амалий машғулотлар, билимларни назорат қилиш, курс лойиҳасини ишлаб чиқиш ва амалга ошириш уларнинг орасидан жой олган.
Ҳар бир кейинги курс олдингисининг мантиқий давоми ва уни ўрганишни бошлаш учун ахборот технологиялари(АТ) соҳасида билимларга эга бўлиш шарт эмас. Курсларнинг давомийлиги 90-180 соатни ташкил этади. Курслар академик дастурга киритилиши мумкин, улар аниқ илмий мақсадларни ўз ичига олади ва кўплаб амалдаги халқаро стандартларга ва имтиҳонларга жавоб беради.
IUT ректори Сарвар Бабаходжаев қайд этганидек: “Oracle” компанияси Тошкент шаҳридаги Инҳа университетида ўз академиясини очганидан хурсандмиз. “Oracle Academy” курслари ёшларга ўз фаолиятларини қуриш учун ўзларининг малака ва кўникмаларини оширишга ёрдам беришига ишончимиз комил”.
Тадбир доирасида университетда “Oracle Academy Student Day” тадбири бўлиб ўтди. Унда “Oracle Academy” дастурининг раҳбарлари Россия/МДҲ минтақасидаги “Oracle” компанияси томонидан таълим муассасаларига тақдим этилаётган имкониятлар ҳақида гапириб беришди. Талабалар Ўзбекистондаги меҳнат бозори талаблари билан танишдилар, шунингдек, “Ахборот хавфсизлиги асослари” ҳақидаги тақдимотини тингладилар. Маърузада талабалар ахборот хавфсизлигини таъминлашнинг асосий принциплари, шунингдек, компьютерни ўрганиш технологияларидан фойдаланиш ва уларга ҳужумларни ўз вақтида аниқлаш ва уларга жавоб бериш каби янги йўналишлар ҳақида маълумотлар берилди.
“Oracle” компанияси шериги “Jet Infosystems” компанияси вакиллари Ўзбекистондаги меҳнат бозори талаблари ҳақида гапириб, АТ соҳасида муваффақиятли иш олиб бориш учун зарур бўлган билим ва кўникмаларга эътибор қаратдилар.
“Oracle Academy Student Day” тадбирида Тошкент шаҳридаги Инҳа университети ҳамда Ал-Хоразмий номидаги Тошкент ахборот технологиялари университети 150 нафардан ортиқ талабалари иштирок этди.
