Кокшетауда яшовчи аёл ўз уйи гаражидаги автомобилда эри ва нотаниш қиз жасадига дуч келди, деб хабар бермоқда Спутник нашри.
"Кокшетау ИИБ тезкор бошқарув маркази махсус линиясига 3 апрел куни 21.13да қўнғироқ бўлди: аёл ўз уйида, темир гараж ичида 1984 йилда туғилган турмуш ўртоғи ва нотаниш қиз жасадини аниқлагани ҳақида хабар қилган", — деб ёзади нашр.
Ҳодиса жойига етиб келган тергов-тезкор гуруҳи 1992 йилда туғилган қиз шахсини аниқлаштирган.
Ташқи томондан қийноқ белгилари бўлмаган жасадлар моргга жўнатилган, экспертиза тайинланган.
Полиция хабарига кўра, ўлимнинг дастлабки сабаби — угар газдан заҳарланиш эканлиги айтилмоқда.
