Аввалроқ Тошкент Жанубий вокзали замонавий архитектура талаблари асосида тубдан реконструкция қилингани ҳақида хабар берган эдик. Бугун Тошкент Жанубий вокзали ўз ишини қайтадан бошлади.
Реконструкциядан кейин вокзалнинг умумий майдони 9,2 гектаргача кенгайтирилиб, 650 метрлик 3 та перронга эга бўлди.
Замонавий усулда қурилган ушбу вокзал бир вақтнинг ўзида 500 йўловчига хизмат кўрсата олади.
Бир кеча-кундузда эса 20 000 йўловчи 19 йўналиш бўйича бу ерда кутиб олинади ва кузатилади.
Кечки соат 20.00 дан кейин вокзалдан илк поезд Бухорога йўл олади.
