Британиянинг Thompson & Morgan компанияси дунёдаги барча фермерлар орзу қиладиган бир истакни амалга оширишга муваффақ бўлишди. Бу ҳақда Мир фактов сайти хабар беради. Яқинда бир тупда, юқори қисмда помидор, пастки қисмда картошка етиштирилиши мумкин бўлган экин уруғлари сотувга чиқарилди.
Ушбу гибрид ўсимликни шартли равишда TomTato деб номланди. Ушбу ном tomato— инглизча помидор ва potato – инглизча картошка сўзлари умумлашмасидан пайдо бўлган. Помидорнинг таъми бошқа навларга қараганда ширинроқ, картошкалар эса бошқаларидан фарқ қилмайди. Айтиш керакки, бу турдаги ўсимликни етиштириш учун 15 йил тадқиқот олиб боришди. TomTatosни ҳам иссиқхонада ҳам очиқ ҳавода етиштириш мумкин.
