Жорий йилнинг 19 апрель куни ДХХнинг Хоразм вилояти бошқармаси ходимлари ҳамда Бош прокуратура ҳузуридаги Департамент ходимлари билан ҳамкорликда фирибгарлик жинояти билан боғлиқ тадбир уюштиришди.
Тадбир давомида 1989 йилда туғилган Отаназаров Умурбек Қўшкўпир туман ҳокимининг ёрдамчиси сифатида фаолият юритиб келиб, фуқароларни Жанубий Кореяга ишга юборишга ваъда берган, уларнинг ишончига кириб фирибгарлик билан шуғулланиб келгани аниқланди.
Умурбек Отаназаров икки нафар фуқарони Жанубий Кореяга шартнома асосида ишга юборишини айтиб, 8 минг АҚШ долларини фирибгарлик йўли билан олаётган вақтида қўлга олинган.
Суриштирув вақтида эса унинг 12 фуқародан худди шу йўл билан 22 минг 400 АҚШ долларни олгани аниқланган.
Ҳозирда, ушбу ҳолат юзасидан Ўзбекистон Республикаси Жиноят Кодексига биноан жиноят иши қўзғатилган.
Эътиборингизга “O`zbekiston 24” телеканали тайёрлаган лавҳани ҳавола этамиз.
