АҚШ Давлат департаменти КХДРдан ушбу мамлакатда қўлган олинган АҚШ фуқароларини озод этишни талаб қилмоқда.
Ушбу масала юзасидан АҚШ Давлат департаменти вакили Жен Псаки расмий баёнот берди.
“АҚШ фуқаролари Мэтью Миллер ва Жеффри Фоул КХДРда суд олдида жавоб беришлари лозимлигидан хабардормиз. Улар уйга қайтишлари учун озод қилинишларини талаб қиламиз”, - деди Псаки. Шунингдек у КХДР ҳукумати ушбу масала билан шуғулланаётган швециялик дипломатларга иккала америкалик билан учрашиш учун рухсат берилгани ҳақида маълум қилди. Псакининг сўзларига кўра, дипломатлар Фоул билан 20 июнь, Миллер билан 9 май ва 21 июнь кунлари учрашишган.
Псаки Миллер ҳамда Фоулнинг қўлга олиниш сабабларини ошкор этмади.
Шунингдек, АҚШ давлат департаменти яна бир АҚШ фуқароси - Кеннет Бэйни дарҳол озод этишни талаб этмоқда.
КХДР ҳукумати 30 июнь куни мамлакатга сайёҳлик визаси билан ташриф буюрган Миллер ва Фоул “душманлик руҳидаги ҳаракатлари” учун қўлга олингани ҳақида хабар берганди.
Бей эса 2013 йилда 15 йилга ахлоқ тузатиш ишларига ҳукм қилинган эди. Пхеньян Бейни ҳукуматни ағдариш мақсадида экстремистик адабиёт тарқатганликда айблаган.
