Қозоғистоннинг Уральск шаҳридаги мактаблардан бирида юз берган фожиа видеога олинди, деб хабар берди Vesti.ru нашри.
Бошланғич синфлар илмий мудири Надежда Петровна байрам концерти вақтида биринчи синф ўқувчиларини саҳнага олиб чиққан. Орадан бироз ўтгач, 55 ёшли ўқитувчи аёл саҳна ортида бирдан полга йиқилган.
Етти дақиқада етиб келган тез ёрдам ходимлари педагог аёлнинг ўлимини қайд этишди. Ҳамкасб ўқитувчиларнинг маълумот беришларича, ўқитувчи аёл доимо қон босимининг юқори эканлигидан азият чеккан.
