Ўзбекистон терма жамоаси мухлислари ЖЧ ҳақида гап кетганида оғриқ билан Сеулда Жанубий Кореяга қарши кечган учрашув ва албатта, Акмал Шораҳмедовнинг ўз дарвозасига киритган тўпини эсга олишади. Мана бир йил ўтиб, Акмал “Интерфутбол” газетасига берган интервьюсида ўзбек футбол мухлисларидан кечирим сўради.
“Менга 5-рақамли футболчини қўриқлаш вазифаси юклатилганди. Ўша ўйинчи билан жарима майдончасига баробар кириб бордик ва тўпга сакрадик. Тўғрисини айтаман, кучли ёмғир таъсирида тўпни учиб келаётганини ҳам кўрмадим. У бошимга тегиб, дарвозага кириб кетганини ҳам кейин англаб етдим. Бу жараён қандайдир сонияларда юз берди”,-дея ёдга олди Шораҳмедов ўша вазиятни.
“Фурсатдан фойдаланиб, ўша гол учун футбол ишқибозларидан алоҳида кечирим сўрайман. Агар шундай бўлишини олдиндан билганимда, ўша учрашувда майдонга тушмасдим, аксинча, фаолиятимга бир йўла якун ясаб ҳам қўяверардим”-деди Акмал Шораҳмедов.
