Euronews телеканали YouTube каналига 1 май намойишида юзага келган оммавий тартибсизликлар акс этган видеони жойлаштирди, деб хабар берди lenta.ru нашри.
Оммавий тартибсизликда юзига ниқоб таққан 1,2 минг киши иштирок этган. Полициячилар 200 га яқин намойишчиларни қўлга олди. Улар савдо дўконларини, офисларни, овқатланиш шаҳобчаларини вайрон қилишган, автомобилларни ёқиб юборишган.
Полиция намойишларни тинчлантириш учун кўздан ёш оқизувчи газдан ва водометлардан фойдаланишга мажбур бўлди.
Икки кунлик давлат ташрифи билан Австралияга кетган Франция президенти Эммануэль Макрон Парижда бўлаётган воқеаларни кузатиб турганлигини, унинг номига айтилаётган танқидларнинг ноўринлигини таъкидлади.
