Бразилиянинг Белу-Оризонти шаҳридаги катта авомагистралнинг қулайши натижасида икки киши ҳаётдан кўз юмди, 22 киши турли тан жароҳатларини олишди, дея хабар беради Day.Az.
Маълумотларга қараганда, автомагистралнинг қуриб битказилмаган жойларидан катта бетон бўлаклари йўлда кетаётган машиналар устига қулаб тушган. Футбол бўйича ЖЧ-2014 очилишига қадар қуриб битказилиши лозим бўлган ушбу эстакада қатнов автобуси, иккита юк ташувчи машина устига бирин-кетин тушган. Автобусни бошқариб кетаётган аёл ҳайдовчи воқеа жойида ҳалок бўлган.
Маҳаллий аҳолининг фикрига қараганда эстакаданинг қулаб тушиши одатий ҳолат. Чунки қурилиш ишлари анча кеч бошланган. Шу сабаб эстакада тез ва сифатсиз қурилган.
Эстакадани қуриш вазифасини зиммасига олган компания вакиллари бўлиб ўтган воқеадан афсусда эканликларини билдиришган.
